واحدة تحكي:
انا يوم راكبة هايس
من سوق ام درمان
وشايلة قارورة بيبسي في يدي
بشرب فيها لمن وصلت ماشة سنتر في بداية المهندسين قمت رميت القارورة..
سيد الهايس وقف ونهرني نهرة
بالله صوتو نزل علي زي ضربه الكهرباء شكيتك على الله. مالك علي انا اصلا خوافه وخلاني ارجف
قال لي ترميها ليه يا بت مافي إحترام للشارع ولا البيئة ؟
المفروض ترميها في سلّة النفايات !!!
انتي مابتخجلي
شكلك بقول انك متعلمه ( هي دا مالو )
وذلاني ذلة !! و دخلني في ضفوري
يعني عادي ياخ لي هسي مافاهمة
خفت قلت اقسم بالله ح يدقني !!!
قال لي تنزلي تجيبيها
نزلت والله من الخوف ماواعية جبتها وجيت.
اول ماركبت قعد يضحك
قال لي خفتي مش؟
والله من قبيل راجيكي تخلصيها عشان اكب بيها بنزين في التنك تقومي ترميها ؟
ليست هناك تعليقات:
إرسال تعليق