دائماً عند شراء جهاز مستعمل يكون هناك مخاطرة، فقد لا يعمل الجهاز بشكل جيد واسوء قد يكون مسروق و يتم وقفه أو حتى يظهر انه جهاز غير أصلي. ومن الصعب جداً قبل ان تشتري هاتف مستعمل ان تقابل البائع وتفتح جهازه وتقوم بعمل كل الاختبارات حتى تتأكد انه لا خلل فيه، وقد تنسى شيء او تشتري الجهاز بدون اختبار ويظهر خلل بعد الشراء.
1- الشكل العام للتلفون 📱
- تمسك التلفون تشوف الشاشة بها خدوش كسور أو لا.
- نضغط على اطراف الشاشة من كل الجوانب لو انضغطت من اى جنب و حسيت انها بتدخل للداخل يعني التلفون مفتوح
- تلقي نظرة على المسامير من تحت لو متخربشه او طالعه شويه او عليها اثر صدأ يعني مفتوح .
- نجرب كل الأزرار ( الباور والهوم وزراير الصوت والصامت )
بعد ما نتاكد ان كل الي فوق تمام نمر بقي علي السريال الي فى اعدادات التلفون نفسو كالتالى
settings >general >about> serial number
ونقارنه باللى على علبة الموبايل ولازم يكونوا متطابقين2- نجرب بقي التلفون نفسو عشان نتاكد من ان كل حاجة شغالة فيه تمام
- نفتح الفون ونعمل اعادة ضبط للاعدادات كلها
Settings > general > reset > reset all settings
- ندخل نعمل بصمة جديده ونشوف البصمة شغالة ولا لا ونتأكد انها شغالة كويس
- نسجل ريكورد صوت . ونتاكد ان الصوت طالع فيه
- نسجل فيديو بالكاميرا الخلفيه . ونتاكدبردو ان الصوت شغال فيه
- نسجل فيديو بالكاميرا الاماميه . ونتاكد ان الصوت شغال فيه
- نجرب الواى فاى وتتاكد انه شغال
- نجرب شريحتين فى الفون ويكون كل شريحه شبكة مختلفه
- نعمل مكالمه ونتاكد ان سماعة المكالمات شغاله والسينسور ال بيطفي الشاشه لما تحط الفون ع ودنك اثناء المكالمه شغال
- نعلى اضاءة الشاشة على الآخر ونتأكد ان الالوان مظبوطه ومش باهته
3- البطارية 🔋
- نشوف البطارية كام فى ال% نفتح الكاميرا ونضعط ع زرار التصوير ، ونفضل دايسين عليه هنلاقي فى عداد بدأ يعد صور طول ما احنا دايسين ،، هنفضل دايسين لحد ما العداد يوصل ل١٠٠٠ صوره. بعد كدا نزيل اليد ونخرج بره الكاميرا نشوف البطاريه نزلت كام فى ال% لو نزلت من ٣ ل٤ % تبقي البطارية جية .. لو نزلت 5 او اكتر تبقي ضعيفة .
4- تجربة الملحقات 🔌💡
(الشاحن -السماعة) و نتاكد انهم شغالين .
لو كل الي فوق جيد تبقى أهم حاجة صاحب التلفون يزيل حسابه الايكلاود من الهاتف وهذه اهم حاجه في الموضوع كله بعدها نفرمت الموبايل كالتالى . Settings >> general >>reset >> erase all content and settings
و الأن نقول مبروك عليك التلفون 📱
ليست هناك تعليقات:
إرسال تعليق